അത്രക്ക് വേണ്ടപെട്ടൊരാൾ....
ഹൃദയത്തോട് ചേർന്ന് നിന്നൊരാൾ...
എത്രത്തോളം എന്നിലുണ്ടെന്ന്
ആർക്കുമറിയാതെ സൂക്ഷിച്ചു വെച്ചൊരാൾ,
ഹൃദയമിടുപ്പുപോലെ ഓരോ ശ്വാസത്തിലും
അലിഞ്ഞു ചേർന്നൊരാൾ....
പെട്ടന്ന് ഇറങ്ങിപോകുമ്പോൾ
നെഞ്ചിലൊരു പിടച്ചിലുണ്ട്.....
കരയിൽ പിടിച്ചിട്ടൊരു മീനിനെ പോലെ
ശ്വാസം കിട്ടാതെ പിടയുന്നൊരു നോവ്,
ആരോടും പറയാനാവാതെ,
ഒന്ന് പൊട്ടിക്കരയാനാവാതെ
സ്വയം എരിഞ്ഞടങ്ങനാവാതെ
നീറി നീറി തീരുന്നൊരു നോവ്...
എഴുതി വെക്കാനോ, പറഞ്ഞു തീർക്കനോ
കഴിയാത്തൊരു നഷ്ടപ്പെടലിന്റെ തീരത്ത്
ഒറ്റപ്പെടാറുണ്ട് ഞാനെപ്പോഴൊക്കെയോ.
മിഴിയറിയാതെ കരയാറുണ്ടെന്റെ നെഞ്ചിനുള്ളം
നമ്മെ കുറിച്ചോർത്തിരിക്കുന്ന
ചില സമയങ്ങളിൽ മാത്രം....
