മഴയോട് ഞാൻ പറയാറുണ്ട്
എന്റെ ജനലിനരികിൽ
എന്റെ നെഞ്ചോടു ചേർന്ന് പെയ്യാൻ,
തനിച്ചിരിക്കുമ്പോഴൊക്കെയും.
ചിലപ്പോഴൊക്കെ എന്നെ നനച്ചു
ഞാനിരിക്കാറുള്ള പാറകളും
പുൽമേടും നനച്ചുപോകും,
നിന്നെപ്പോലെ തോരാതെ പെയ്യും.
പാതിയടച്ച ജനലിൽ തട്ടി
കൊഴിഞ്ഞു വീഴുന്ന തുള്ളികളിൽ
ഞാൻ നിന്നെ കാണാറുണ്ട്
ചിലപ്പോഴൊക്കെ.
എത്ര മോഹിച്ചിട്ടും
നെഞ്ചോട് ചേർത്ത് പിടിച്ചിട്ടും
എനിക്കാരാണെന്ന് അറിയാത്ത
എന്റെ മാത്രം നിന്നെ.
