മഴത്തുള്ളികൾ

ഞാനിനിയില്ലാ എന്ന സത്യം

തിരിച്ചറിയുമ്പോൾ
ഒന്നു പൊട്ടിക്കരയുവാൻ

പോലുമാകെതെ നിൽക്കുന്ന
നിന്നെക്കുറിച്ചോർത്ത്

എനിക്കിപ്പോൾ ചിരിയാണു വരുന്നത്.

നിന്നെ ഞാൻ കരയിക്കും,

എന്നെ സ്നേഹിച്ച കുറ്റത്തിന്
എന്റെ മരണം കൊണ്ട്

നിന്നെ ഞാൻ കരിയിക്കും.

ശേഷിപ്പ്

പഴകി ചിതലെടുത്തുപോയ
ഭൂതകാലത്തിലെവിടെയൊ ആകാം
നീ എന്റെ ചിത്രങ്ങൾ വരച്ചിട്ടിരിക്കുന്നത്.

ഇനി നമ്മൾ എന്നൊന്നില്ല,
നീയും ഞാനും മാത്രം.

ഇനിയൊരു കണ്ടുമുട്ടൽ,
അതിന് ആത്മാവ് 

എന്നൊന്നില്ലെങ്കിലൊ!

ഭ്രാന്ത്

എനിക്കു നിന്‍റെ സ്വപ്നമായി
എന്നും നിന്നെ ഉണര്‍ത്തി
നിന്നോടൊപ്പം ഉണരണം.

എനിക്കു നിന്നിലെ ഓര്‍മ്മകളായി
എന്നും നിന്നെ ഉറക്കി
നിന്നെ പുണര്‍ന്നുറങ്ങണം.

എനിക്കു നിന്നിലെ കണ്ണീരിനൊപ്പം
ഒരു ചെറു വിങ്ങലായി
ഈ മണ്ണിലെരിഞ്ഞടങ്ങീടണം.

എനിക്കു നിന്‍റെ നഷ്ടമായി,
നിന്‍റെ മാത്രം നഷ്ടമായി
നിന്‍റെയുള്ളിലെന്നും തിളങ്ങീടണം.

എന്‍റെ പൊന്നേ

എനിക്കു നിന്നോട് ഭ്രാന്താണ്
ഒരിക്കലും അടങ്ങാത്ത ഭ്രാന്ത്.

താരാട്ട്

ഉറങ്ങുറങ്ങുറങ്ങിനി നീയുറങ്ങ്

പൂമിഴി പൂട്ടി നീയുറങ്ങ്

താമരപൂവേ നീ ഉറങ്ങ്

കണ്മണി തിങ്കളെ നീയുറങ്ങ്

ഉറങ്ങുറങ്ങുറങ്ങിനി നീയുറങ്ങ്

പൂമിഴി പൂട്ടി നീയുറങ്ങ്

കനവുകള്‍ കണ്ടിനി നീയുറങ്ങ്

മാറോട് ചേര്‍ന്ന് ചായ്ഞ്ഞുറങ്ങ്

അരികത്ത് ഞാനുണര്‍ന്നിരിക്കാം
കണ്ണിന്‍ അഴകായി നീ ഉറങ്ങ്

ഉറങ്ങുറങ്ങുറങ്ങിനി നീയുറങ്ങ്
മാറോട് ചേര്‍ന്ന് ചായ്ഞ്ഞുറങ്ങ്

മന്ദാരപൂവുകള്‍ കണ്ടുണരാന്‍
ഹരിനാമ കീര്‍ത്തനം കേട്ടുണരാന്‍

തൂമഞ്ഞിന്‍ തുള്ളികള്‍ തെന്നലായി
നിന്നെ പുണര്‍ന്നുണര്‍ത്തിടുവാന്‍

ഉറങ്ങിനി ഉറങ്ങ് നീ ഉറങ്ങ്
പൊന്നിന്‍ മലരെ നീ ഉറങ്ങ്

കുളികഴിഞ്ഞീറന്‍ മുടിയുമായി

കുറിതൊട്ട് കുംങ്കുമ തിലകമിട്ട്

കണിയായി ഒരുങ്ങുവാന്‍ നീയുറങ്ങ്

ചുണ്ടില്‍ ചിരിയുമായി നീയുറങ്ങ്

ഉറങ്ങുറങ്ങുറങ്ങിനി നീയുറങ്ങ്

പുഞ്ചിരി തൂകി നീയുറങ്ങ്

മൗനം

നാളെ ഒരുനാൾ
നമ്മൾ ഒന്നുടെ കാണട്ടെ 
അന്നും നിന്റെ മൗനം എന്നെ
വീർപ്പുമുട്ടിക്കും

നിന്റെ കണ്ണുകൾ പറയുന്നതൊക്കെ
ഞാൻ കുറിച്ചിടും
മൗനം ഒരു കവിതയായി
പിറക്കട്ടെ

ഒരു പുഞ്ചിരി നൽകി
നീ നടന്നകലുമ്പോൾ
അവിടെ ഞാനന്ന് വേരറ്റു വീഴട്ടെ
നിനക്ക് നിന്നെ നഷ്ടപ്പെടുംപോലെ

ഇന്നലകളിലേക്ക് 
ഒന്ന് തിരിഞ്ഞു നോക്കണം
ഒരിറ്റു കണ്ണീർ തുള്ളിയിൽ 
തിരിച്ചറിയാനാവും നിനക്ക്

ഇഷ്ടപ്പെടുന്നവരുടെ മൗനത്തിന് 
വാക്കുകളേക്കാൾ മൂർച്ചയുണ്ടെന്ന്