മൗനം

നാളെ ഒരുനാൾ
നമ്മൾ ഒന്നുടെ കാണട്ടെ 
അന്നും നിന്റെ മൗനം എന്നെ
വീർപ്പുമുട്ടിക്കും

നിന്റെ കണ്ണുകൾ പറയുന്നതൊക്കെ
ഞാൻ കുറിച്ചിടും
മൗനം ഒരു കവിതയായി
പിറക്കട്ടെ

ഒരു പുഞ്ചിരി നൽകി
നീ നടന്നകലുമ്പോൾ
അവിടെ ഞാനന്ന് വേരറ്റു വീഴട്ടെ
നിനക്ക് നിന്നെ നഷ്ടപ്പെടുംപോലെ

ഇന്നലകളിലേക്ക് 
ഒന്ന് തിരിഞ്ഞു നോക്കണം
ഒരിറ്റു കണ്ണീർ തുള്ളിയിൽ 
തിരിച്ചറിയാനാവും നിനക്ക്

ഇഷ്ടപ്പെടുന്നവരുടെ മൗനത്തിന് 
വാക്കുകളേക്കാൾ മൂർച്ചയുണ്ടെന്ന്