നമ്മളില് രണ്ടാമത്തെയാ-
ളെക്കുറിച്ച് ചിന്തിച്ചിട്ടുണ്ടൊ?
എഴുതി വെക്കാനാവാത്ത
വേദനയാല് നീറുന്നയാളെ,
വരച്ചു മുഴുവിക്കാനാവാത്ത
ചിത്രങ്ങളാല് നോവുന്നയാളെ,
പറഞ്ഞു തീര്ക്കാനാവാതെ
ഉള്ളുരുകിത്തീരുന്ന ആളിനെ...
പ്രതീക്ഷയുടെ തിരി കെടുത്തി
ഓര്മകളില് വേദനിക്കുന്നയാളെ,
നമ്മളില് ആദ്യം മരിക്കുന്നയാളെ
ഓര്ത്ത് നൊന്തു ജീവിക്കുന്ന
രണ്ടാമത്തെയാളെ കുറിച്ച് നീ
എപ്പോഴേലും ചിന്തിച്ചിട്ടുണ്ടൊ?
0 comments:
Post a Comment